بالأفنيوز

بالأفنيوز

قبل اسبوع من اليوم رحنا انا واختي ورفيجتي روان واختها

للافنيوز قبل استئناف الدارسه بالكورس الصيفي :(

فمرينا اول شي

هاجن داز

وبما ان المنيو مالهم غلج ماراح اتذكر المنيو :(

فاخترنا ..

حبيب قلبي عصير ليمون بالنعناع

وكان مش ولا بد بس منعش

وهذا لي وبعد مو واو بس يبرد عالقلب بهاللاهووب

ومليك شيك رفيجتي وقالت عنه زين .. يعني مو واو

وهذا لأختي اعتقد براونيز اسمه ولله نسيت :(

واخر شي لاخت رفيجتي اطلبت شي حار بهالحر واعتقد انه كان هوت جوكليت

واستمتعنا وتمتعنا :p

عقب كنا انتمشا يتنا وحده قالت في حمله تبرع بالدم

صعدنا فوق عساس نتبرع بس للاسف كلنا خوافين

كان هذا شعار الحمله وبنفس الوقت الجدول الي يبين لكم اماكنهم طول الاسبوع

باستثناء 360 :\

والي شفتهم وعرفتهم شباب وسط التطبيقي الله يعطيهم الف عافيه يارب

ولله استانست يوم شفتهم

وفي طبعا مكان خاص للنساء الي حابه تشمر عن ذراعها ومستحيه :p وقواهم الله

واخر شي مادري شطرى علينا انا ورفيجتي وقررنا ندش .. ever green

وانا احب التوليب فرحت اركض صوبهم

وهاذي وردتي التوليبه البربليه والي يمها لرفيجتي روانو

ونشكرها على حسن تعاونها وتغطيتها لنا بهاليوم

الشيخ باسل الى جوار ربه

انقل الى رحمه الله تعالى

الشيخ باسل سالم الصباح

ان لله وان اليه راجعوون

:(

تجربه ريوق

صباح الخير والورد والنوير ..

ريوقنا اليووم

اومليت الفطر والفلفل الرومي

المقادير :

3 الى 4 بيضات

1 علبه مشروم مقطع او طازج على الي متوفر عندج

1 بصله صغيره مفرومه او شرايح على حسب ذوقج

1 فلفل رومي متوسطه الحجم

جبن قلاصات او اي نوع تحبين بس انا استخدمته لان ماكان عندي غيره

بهارات وفلفل اسود وملح وشويه زيت

الطريقه :

بالمقلا نحط المقادير الي فوق باستثناء الجبن والبيض

ولما تستوي نشيلهم على صوب ونحط الجبن عليهم

عقب نسوي البيض مثل الطريقه المعتاده على شكل القرص

ونحط الخلطه فوقها قبل لاتستوي ونحاول نغطيها بالبيض

وهذا شكلها النهائي ...

اتمنى تعجبكم وتجربونها وللامانه انا شفت الفكره بـ living room بمرينا ويفز :)

السلام عليكم

بما اني من محبي الافلام الامريكيه وصايره هاليومين اسوي داون لود من التورنت اسهل واوضح وكل شيء تمام

والي حاب درس تعليمي بالتورنت راح اسوي بالايام المقبله ان شاء الله ..

اليوم بتكلم عن جم فلم ان شاء الله يعجبكم ..

اول شي راح اتكلم عن godfather باجزاءه الثلاث

اللي ماشافه يعني ما شاف افلام

وانا نوعي احب افلام المافيا والعصابات وشلون يعيشوون بتحدي مع الذات << قويه مو

المهم ان حياتهم من يدشون هالدائره الى مماتهم تكون مهدده

والفلم يتكلم عن 5عوايل ايطاليه هاجرت امريكا وتصير لهم احداث

انصحكم تشوفونه

وبالنهايه اكتشفت

ان حتى الاخو الي نقول عنه اخخ يا ظهري يا عزوتي

بالمافيا يصير عدوي مابين ليله وضحاها

وبعيد عن المافيا

راح اتكلم عن فلمshutter island

م حلو ويتكلم عن ضابط يروح لجزيره فيها سجن لمرضى الامراض العقلية والجميل بالفلم تجسيد الامراض بشكل واقعي

لان الي درس علم نفس او حتى الي عنده خلفيه بهالامور راح يشوف الفصامي والذهاني وامراض وايد بهالفلم وطريقه العلاج الي اتبعوا بعد كانت من احد الطرق المتبعة في العصر الي يتدور احداثه بالفلم

انصكم تشوفونه

بس النهايه عند البعض غامضه

اترك لكم الاستنتااج

ومتابعه ممتعه ..

بيتي اليديد .. welcome

صباح الخير

اليوم وانا افتر من بيلوق الى بيلوق .. الى ان الله هداني وسويت لي بيت ارتاح فيه وايمع كل الي احبهم واعزهم

يشاركوني افكاري سوالفي وقفشاتي مثل مايقولون اخوانا المصريين

وطبعا بما ان صبح احب اصبح عليكم بفيروز

وان شاء الله تلاقي استحسانكم

http://www.youtube.com/watch?v=xUkNpjZXzOo