ماش بوتيتو + سيزر

قبل جم يوم رفيجتي طلبت مني اعلمها على خطوات الماش بوتيوو

وقعدت اكتب واحاول قد ماقدر اسهل عليها المهمه

اخر شي قالت ابي درس عملي

فرحت الجمعيه اركض اييمع الطلبات وسويتها لها

المقادير تكفي من 3 الى 4 اشخاص

3 بطاط مسلوق متوسط الحجم بماي فيه ملح وبودره ثوم وفلفل اسود وشويه بهار خفيفه

جبن موزريلا

كريمه خفق وافضل نوع المراعي لانها وايد اخف من كي دي دي

جبن قلاص

قشطه ويمكن تلغينها اذا مو حابتها كريمي ولزووم الرجيم

بهارات ( ملح فلفل اسود او ابيض كيفكم مع بودره ثوم وشويه بهارات )

شوي من الثوم المهرووس

الطريقه

نخلط المقادير السابقه مع بعض بعد مايخلص البطاط من السلق

ونحط على ويه الطبق جبن الموزريلا ولاني احبه فكثرت ويمكن تحطون اي نوع من الاجبان الي تحبونها

وتدخلونه الفرن لين ماتذوب الجبنه وتحسين البطاط ذايب

ولما نطلعه ممكن تحطون عالويه شويه فلفل اسود مع باربيكيا

سلطه سيزر

لان ماسعفني الوقت مامداني افجج صدر دياي واسلقه فاختصرت الطريج بفليه دياي الجاهز :)

خس امريكي او المدور على كيفكم

جبن بارميزان

توست محمص

وصوص السيزر

واخر شي دياي فيليه

الطريقه

نقلي الدياي بزيت غزير او بالفرن على راحتكم بس انا قليته وقطعته مكعبات

نقصص الخس بشكل عشوائي

نحطهم بالطبق الي بنقدم فيه ونخلطهم ونضيف عليهم شويه ملح للي يحبونها مالحه مع رشه برميزان وصوص وتوست

وعليكم بالعافيه